News

Feb 11, 2019

هل أنا مسئول عن خلاص من هم حولى؟ وإذا كانوا لا يهتمون بكلامى ولا ينصتون إلى كلامى، ماذا أفعل؟

ج: إنت مسئول إنك توصل كلمه الخلاص للّى حواليك لكن لست مسئولاً أن يقبلوا الكلام أو لا يقبلوا. حتى الأنبياء كانوا بيوصّلوا كلمه الخلاص لكن فيه ناس ما كانوش بيسمعوا ليهم وما كانوش بيطاوعوهم. فلك أن تشهد للرب،

ولكنك لا تستطيع أنك تضمن أن كل الناس يخلصون. نفس السيد المسيح له المجد بشّر الناس وقال لهم الكلام الروحى اللطيف العميق اللازم لخلاصهم والبعض قَبل والبعض لا يقبل. وفى مثل الزارع.. الزارع خرج ليزرع بعض بذار أُلقيت على الطريق وخطفها الطير، وبعض بذار نمت وخنقها الشوك،

وبعض بذار جابت نتيجه 30، 60، 100. فإنت تقول ما تستطيع للناس، ولكن ما تُعتبرش مسئول عن خلاصهم يعنى. لوط أب الآباء نصح أهل سادوم بيقول الكتاب كان كمازح فى وسط أصهاره وما سمعوش ليه، فأنت مش مسئول إلا عن أنك تبلّغ كلمه ربنا وخلاص.لكن مسئوليتك فى الآتى:

+ أول حاجه: تقول كلمه الله وتكون قدوه فى التنفيذ، لأن جايز تبلّغهم الكلمه وأعمالك ما تخليهمش يستفيدوا منّك. فيبقى هنا أنت مسئول لأن قدوتك أساءت إلى قوه الكلمه.

+ تانى حاجه: أنك أنت لما تُبلّغ الناس كلمه الله تبلّغهم الكلمه فى وداعه وفى هدوء وفى حكمه. لأن بعض الناس بينصحوا غيرهم فى كبرياء فيبقوا مش عايزين يسمعوا. أو يوبّخوا غيرهم بعنف فيكرهوهم من أجل توبيخهم ليهم. ولا تنسى قول الكتاب رابح النفوس حكيم.. رابح النفوس حكيم.

علشان تكسب الناس لازم تكون حكيم. علشان تخلّص نفوس اللى حواليك تكون حكيم. ومن ضمن الحكمه أنك ما تطلبش منهم ماهو فوق مستواهم، لأن ساعات واحد ييجى لإنسان مبتدئ ويتعبه بوصايا شديده ما يقدرش عليها..

يقول الدين دا ما أقدرش أمشى فيه. أمشى مع الناس فى هدوء واحده واحده.. تدريجاً. التلاميذ نفسهم قالوا عن الأمم الداخلين فى الإيمان لا نثقّل عليهم بوصايا كثيره. والمسيح قال عندى كلام لأقوله لكم ولكنكم لا تحتملون الآن.

فيبقى إذا أردت أنك تساهم فى خلاص أنفس الناس كن حكيماً، كن عارفاً بالنفوس، تدرج معاهم، كلمهم بحكمه.. بوداعه.. بغير انتهار.

+ وأيضاً لا تيأس، يعنى إذا أتكلّمت مره ومرتين وما جابتش نتيجه.. ما تيأسش، جايز الحكايه محتاجه لوقت.

+ أجعلهم أيضاً يستفيدون من حياتك أكثر مما يستفيدون من كلامك

Turn your Facebook Page into a website, instantly.

Try now for 14 days FREE

No credit card required, unsubscribe at any time. pagevamp.com

Give us a call